URBAN REVOLUTION Aurrera! – The Bay Awards premiere

Bilbao Metropoli 30ek, Bilboko eremu metropolitarra biziberritzeko elkarte publiko-pribatuak, “The Bay Awards” Sarien lehen edizioaren banaketara eramango duen prozesua jarri du abian. Sari horiek hirien garapenean eta mundu mailako hiri-bizitzan izandako jardunbide egokiak aintzatetsiko dituzte. Sarien premierea, Bilbon 2023ko urriaren 25 eta 26an mundu osotik etorritako ia 300 urbanista eta hirien kudeaketa estrategikoan esperientzia duten pertsona bildu zituen “Urban Revolution Aurrera!” Nazioarteko Kongresuaren parte zen.

URA – Urban Revolution Aurrera! Kongresua Bilboko BBK Aretoan egin zen, sariekin zerikusia duen guztiaren berri eman zen “The Bay Awards Premiere” ekitaldiarekin hasita. Hauek parte hartu zuten “premiere” horretan: Ainara Basurko Bizkaiko Foru Aldundiko Ekonomia Sustatzeko diputatuak, Amaia Arregi Bilboko alkateordeak, Marian Elorza EBko eta Kanpo Harremanetarako idazkari nagusiak eta Idoia Postigo Bilbao Metropoli 30eko zuzendari nagusiak.

Ondoren, berehala hasi ziren dira URA Kongresuko hitzaldiak eta mahai-inguruak, “The Bay Awards” ekimeneko epaimahaikide izateko hautatutako hamar pertsonen hitzaldiekin.

Hauek dira ekimen irabazleak aukeratuko dituzten bost gizonak eta bost emakumeak: Christian Bason, Danimarkako Diseinu Zentroko zuzendari nagusia; Gabriella Gómez-Mont, ‘Esperimentalista’ izena duen eta hirietan espezializatuta dagoen bulego nomadaren sortzailea eta CEOa; Sophie Howe, Galesko Etorkizuneko Belaunaldietarako lehen Komisarioa; Geci Karuri-Sebina, Wits School of Governance-ko irakaslea eta African Civic Tech Innovation Network-eko antolatzailea; David Miller, Torontoko alkate ohia (2003-2010) eta C40 Citieseko presidentea (2008-2010); Carlos Moreno, Irakasle elkartua Parisko Panteon Sorbonne Unibertsitatean, eta Anne Hidalgo Frantziako hiriburuko Alkatearen aholkularia; Farah Naz, klima-estratega, proiektu enblematikoetan lan egin duena, hala nola Dubain Expo Terra Sustainability Pavilion; Larry Ng., EAUko Expo 2020an Singapurreko pabiloiko komisario nagusia; Carmen Santana Serra, Espainiako Hirigintza Saria 2021ean; eta Charles Landry, hiri-diseinuko sormenaren arloko nazioarteko aditua.

Asier Aranbarri Eusko Jaurlaritzako Gizarte Berrikuntzako zuzendariak itxi zuen kongresuaren parte hori.

Ekitaldia Bizkaia BAT Dorrean amaitu zen, networking saio batekin eta hainbat tailerrekin, baita instalazioetarako bisita gidatuarekin ere. Amaitzeko, “Urban Revolution Aurrera Manifestua” kaleratu zen.

Ekitaldiko hitzaldi eta saioen laburpena (PDF)