Getxo 2020 arlo estrategikoak. Sustapen Ekonomiko eta Iraunkorrari buruzko Jardunaldiak
Getxo Elkartegiko instalazioek “Getxo 2020 arlo estrategikoak. Sustapen Ekonomiko eta Iraunkorrari buruzko Jardunaldiak” hartzen dituzte 2017ko otsailaren 2tik 15era, Getxoko Udalak Bilbao Metrópoli 30 elkartearekin lankidetzan antolatutako ekimena.
Getxoko udalerrian estrategikotzat jo diren alorrak garatzen eta dinamizatzen lagunduko duten proposamen zehatzetan aurrera egitea dute helburu jardunaldiek. Besteak beste, arlo hauek hartu dira estrategikotzat: kultur eta sormen industriak; kirolaren nahiz ongizatearen teknologiak eta industriak; eta kultura eta ongizatearen turismoa, berrikuntza sozialaren alde apustu eginez.
Bost egunez, erakundetako ordezkariek eta hainbat enpresatako profesionalek sektore horietako esperientziak eztabaidatzen eta partekatzen dituzte parte-hartzaileekin. Alde batetik, alorretako profesionalizazio esperientzia praktikoak jorratzen dituzte eta, beste alde batetik, Getxon proiektu bat garatu ahal izateko beharrak.
- Ots. 2: Getxo, espezializazio adimentsua: “sustapen ekonomiko eta iraunkorraren aldeko apustua”
- Ots.7: Getxo, IKS: “industria kultural eta sortzaileen aldeko apustua”
- Ots. 9: Getxo, BS: “berrikuntza sozialaren aldeko apustua”
- Ots. 14: Getxo, KOTI: “kirolaren eta ongizatearen teknologia eta industrien aldeko apustua”
- Ots. 15: Getxok turismoaren aldeko apustua egiten du: “EGK2 Getxoko etorkizun gastronomikoa kozinatzen” [Tamarises Izarra jatetxea]
Egunero:
Sare sozialak: Facebook.com/Getxolan @getxolan #GetxoPRO
