Eusko Ikaskuntzarekin lankidetza. “Geroa Elkar-Ekin” proiektua.

Bilbao Metropoli-30 elkarteak lankidetzan dihardu Eusko Ikaskuntza erakunde bazkidearekin, etorkizunean Euskal Herriko egoera sozio-ekonomikoan giltzarri izango diren gaien inguruko hausnarketa prozesuetan. Hausnarketa prozesu horiek Herritarren Mahai delakoen bitartez antolatzen ari dira.

Hain zuzen ere, martxoaren 17an gure etorkizun sozio-ekonomikoari buruzko saio bat izan da Bilbon. Saioaren helburua hiru gai zabalen inguruan hausnarketa egitea da; aipatutako gaiek gizarteak arlo horietan dituen erronka eta kezkei erantzuten diete, eta pertsonak eta kolektiboak dituzte oinarri. Gaiak ondorengoak dira:

  • Ongizate sozialerako berezko eredu baten bila
  • Lurraldeko estrategiak eta jasangarritasuna
  • Enpresa eta lan harreman ereduak

Prozesu honetako ondorioak Bilbao Metropolitarra 2035 Hausnarketa Estrategikorako prozesuari batuko zaizkio, eta, laburbilduz, hausnarketan giltzarri estrategiko diren hainbat elementu daude:

  • Hiriko sarea geografiak eta administrazioak jartzen dituen mugetatik harago egituratzearen garrantzia.
  • Ohartzea gaur egun lanak gizarteratzean laguntzeko elementu bat izateari utzi diola eta gizarteak horren ordezko tresnak behar dituela.
  • Gure komunitateko beharrizanei erantzun kolektibo bat ematearen garrantzia.
  • Gure industria-sektoreak oraindik ere modu konparatiboan duen garrantzia.
  • I+Gn inbertitzea eta prestakuntza ematea ezinbestekoa dela ohartzea.
  • Lankidetza publiko-pribaturako tresnak, etorkizunerako estrategietarako oinarrizko baliabideekin.
  • Pertsonekiko konpromisoa, kudeaketa demokratikoa, parte-hartzea eta belaunaldien arteko elkartasuna biltzen dituzten enpresen eta lan-harremanen ereduak

Horretaz gain, zeharkako zenbait elementu ere badaude: gaur egun bizi garen ezagutzaren gizartea; erronka demografikoak; teknologia eta digitalizazioa; eta balioen ezinbesteko garrantzia.



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

CERRAR
Menú de Navegación